யுஎஸ் ஓபன் டென்னிஸ்: 3-வது சுற்றுக்கு ஜன்னிக் சின்னர், இகா ஸ்வியாடெக் முன்னேற்றம்

அமெரிக்காவின் நியூயார்க் நகரில் நடைபெற்று வரும் யுஎஸ் ஓபன் டென்னிஸ் போட்டியில் நடப்பு சாம்பியனான இத்தாலியின் ஜன்னிக் சின்னர் 3-வது சுற்றில் முன்னேறினார்.

ஆடவர் ஒற்றையர் பிரிவு 2-வது சுற்றில், முதலிடம் பெற்ற சின்னர், ஆஸ்திரேலியாவின் 36-வது நிலை வீரரான அலெக்ஸி பாப்ரினை 6-3, 6-2, 6-2 என்ற கணக்கில் வென்றார். அதேபோல், 3-வது நிலை வீரர் ஜெர்மனியின் அலெக்ஸாண்டர் ஜிவேரேவ், 8-வது நிலை வீரர் ஆஸ்திரேலியாவின் அலெக்ஸ் டி மினார், 10-வது நிலை வீரர் இத்தாலியின் லாரன்ஸோ முசெட்டி ஆகியோரும் எளிதாக 3-வது சுற்றில் முன்னேறினர்.

ஆனால், 9-வது நிலை வீரரான ரஷ்யாவின் கரேன் கச்சனோவ், போலந்தின் கமில் மஜ்சாக்கிடம் 5 செட்களில் கடும் போராட்டத்திற்குப் பிறகு தோல்வியடைந்தார். இதேபோல், அமெரிக்காவின் டாமி பால், ரஷ்யாவின் ஆந்த்ரே ரூப்லெவ் ஆகியோரும் வெற்றி பெற்று 3-வது சுற்றில் நுழைந்தனர்.

மகளிர் ஒற்றையர் பிரிவில், 2-வது நிலை வீராங்கனை போலந்தின் இகா ஸ்வியாடெக், நெதர்லாந்தின் சுசன் லாமென்ஸை 3 செட்களில் வீழ்த்தினார். 3-வது நிலை வீராங்கனை அமெரிக்காவின் கோ கோ காஃப், குரோஷியாவின் டோனா வெகிக்கையை எளிதில் தோற்கடித்து 3-வது சுற்றுக்குத் தகுதி பெற்றார்.

செக் குடியரசின் கரோலினா முச்சோவா, ஆஸ்திரேலியாவின் தரியா கஸட்கினா மற்றும் ஜப்பானின் நவோமி ஒசாகா ஆகியோரும் வெற்றி பெற்று 3-வது சுற்றில் முன்னேறினர்.