சீனா மாஸ்டர்ஸ் பாட்மிண்டன்: கால் இறுதியில் பி.வி. சிந்து
ஷென்சென் நகரில் நடைபெற்று வருகிறது சீனாவில் உள்ள சீனா மாஸ்டர்ஸ் பாட்மிண்டன் தொடர்.
இதில் 2-வது சுற்றில் மகளிர் ஒற்றையர் பிரிவு, இந்தியாவின் பி.வி. சிந்து (ஒலிம்பிக்கில் இரு முறை பதக்கம் வென்றவர்) தாய்லாந்தின் சோச்சுவாங்கை (போட்டித் தரவரிசை 6-வது இடம்) எதிர்த்து விளையாடினார்.
41 நிமிடங்கள் நடைபெற்ற இந்த ஆட்டத்தில், 21-15, 21-15 என்ற நேர் செட் கணக்கில் வெற்றி பெற்று பி.வி. சிந்து கால் இறுதி சுற்றுக்கு முன்னேறினார்.
ஆடவர் இரட்டையர் பிரிவு 2-வது சுற்றில், இந்தியாவின் சாட்விக் சாய்ராஜ் ராங்கி ரெட்டி – ஷிராக் ஷெட்டி ஜோடி, சீன தைபேவின் ஹ்சியாங் சியே சியு – வாங் சி-லின் ஜோடியை எதிர்த்து விளையாடியது.
இதில் 21-13, 21-12 என்ற செட் கணக்கில் எளிதாக வெற்றி பெற்று சாட்விக்–ஷிராக் ஜோடி கால் இறுதி சுற்றில் கால்பதித்தது.
