டெல்லியில் புரோ கபடி பிளே ஆஃப் சுற்றுகள்
புரோ கபடி லீக் 12-வது சீசனின் பிளே ஆஃப் ஆட்டங்கள் மற்றும் இறுதி போட்டி டெல்லியில் நடைபெறும் என்று போட்டி நிர்வாகம் தெரிவித்துள்ளது.
தொடரின் 3-வது கட்ட போட்டிகள் சென்னையில் நேற்றுடன் முடிவடைந்தது. இதன்பிறகு, கடைசி கட்ட லீக் போட்டிகள் இன்று (அக்.11) முதல் 23-ம் தேதி வரை டியாகராஜ் மைதானம், டெல்லி யில் நடைபெறுகின்றன. இந்த மைதானத்தில் பிளே ஆஃப் ஆட்டங்களும் இறுதி போட்டியும் நடக்க இருப்பதாக அறிவிக்கப்பட்டுள்ளது.
பிளே ஆஃப் சுற்று 25-ம் தேதி தொடங்குகிறது. இதில், லீக் சுற்றின் முடிவில் 5-வது முதல் 8-வது இடங்களை பிடித்த அணிகள் பிளே-இன் சுற்றில் மோதும். வெற்றி பெறும் அணி பிளே ஆஃப் சுற்றுக்கு முன்னேறும்.
பிளே ஆஃப் சுற்று 26-29ம் தேதி நடைபெறுகிறது. இதில் எலிமினேட்டர் மற்றும் தகுதி சுற்று ஆட்டங்கள் இடம்பெறுகின்றன. சாம்பியன் பட்டம் யார் வெல்வது என்பதை தீர்மானிக்கும் இறுதி ஆட்டம் 31-ம் தேதி நடைபெற உள்ளது.
