தமிழகத்தில் பா.ஜ.,வினர் மீதான தாக்குதல் அதிகரித்துள்ளதால், அரசை கேள்வி கேட்டால், கைது தான் பரிசாக கிடைக்கும் என, தமிழக பா.ஜ., செயற்குழு கூட்டத்தில், அக்கட்சியின் மாநில தலைவர் அண்ணாமலை தெரிவித்துள்ளார்.
பாஜக மாநில சிறப்பு செயற்குழு கூட்டம் சென்னையை அடுத்த வானகரத்தில் இன்று நடைபெற்றது. தமிழக பாஜக தலைவர் அண்ணாமலை தலைமையில் நடைபெற்ற இந்தக் கூட்டத்தில் சிறப்பு அழைப்பாளர்களாக மத்திய வேளாண் துறை அமைச்சர் சிவராஜ் சிங் சவுகான், தகவல் ஒலிபரப்புத் துறை இணையமைச்சர் எல்.முருகன் ஆகியோர் கலந்துகொண்டனர்.
இந்த செயற்குழு கூட்டத்தில் தமிழக பாஜக பொறுப்பாளர் அரவிந்த் மேனன், இணை பொறுப்பாளர் பி.சுதாகர் ரெட்டி, பாஜக மூத்த தலைவர்கள் பொன் ராதாகிருஷ்ணன், தமிழிசை சௌந்தரராஜன், நைனார் நாகேந்திரன், வானதி சீனிவாசன் உள்பட 4000-க்கும் மேற்பட்ட கட்சி நிர்வாகிகள் கலந்து கொண்டனர். இக்கூட்டத்தில் திமுக அரசை கண்டித்து தீர்மானங்கள் நிறைவேற்றப்பட்டன.
கூட்டத்தில் பா.ஜ., மாநில தலைவர் அண்ணாமலை பேசுகையில், ”தமிழகத்தில் அனைத்து பகுதிகளிலும் சாமானியர் உயிருக்கு உத்தரவாதம் இல்லாதது போல், தி.மு.க., அரசு செயல்படுகிறது. தமிழகம் இது போன்ற வன்முறை நிலையை இதற்கு முன் பார்த்ததில்லை. கடந்த 3 ஆண்டுகளாக திமுக அரசு இதை செய்து வருகிறது.
போலி சாராயம் ஆறு போல் ஓடுகிறது. நேற்று முன்தினம் திருவெண்ணெய்நல்லூரில் போலி மதுவால் ஒருவர் உயிரிழந்தார். அதற்கு முன் திருப்பூர், கோவை, உடுமலைப்பேட்டையில் 5 பேர் போலி மது அருந்தி பல்வேறு மருத்துவமனைகளில் அனுமதிக்கப்பட்டனர். அதற்கு முன் கள்ளக்குறிச்சியில் போலி மது அருந்தி 65 பேர் உயிரிழந்துள்ளனர். 23 பேர் பார்வையை முற்றிலும் இழந்துள்ளனர்.
கடந்த 2023-ம் ஆண்டு மரக்காணம், விழுப்புரம், செங்கல்பட்டு பகுதியில் போலி மது குடித்து 22 பேர் உயிரிழந்தனர். தமிழகத்தில் இதுவரை இல்லாத வகையில் போலி மதுபானம் அமோகமாக நடந்து வருகிறது. இதைக் கேட்கவே தேவையில்லை.
பகுஜன் சமாஜ் கட்சியின் மாநில தலைவர் ஆம்ஸ்ட்ராங் கூலிப்படையினரால் படுகொலை செய்யப்பட்டுள்ளார். கட்சித் தலைவர் ஒருவர் கழுத்தை நெரித்து கொல்லப்பட்டார். திமுக ஆட்சியில் பொதுமக்களின் உயிருக்கு உத்தரவாதம் இல்லை. அதைப் பற்றி கேட்க யாருக்கும் தைரியம் இல்லை. அதையும் மீறி, போலீசுக்கு தகவல் கொடுத்தால், தகவல் கொடுப்பவர்களை கூலிப்படையினர் வெட்டிக் கொல்லும் அளவுக்கு, தமிழக சட்டம் ஒழுங்கு சீர்குலைந்து சிரிக்கிறது.
எனவே, சாமானியர் தவறுகளைக் கேட்டு பயப்படுகிறார்கள். சாமானியர்கள் அரசுக்கு எதிராக கேள்வி எழுப்பினால் அவர்களுக்கு கிடைக்கும் ஒரே பரிசு கைதுதான். பாஜக மீதான தாக்குதல் அதிகரித்துள்ளது. எனவே, இந்த நேரத்தில், சாமானியர்களுக்காக சத்தமாக, வேகமாகப் பேச வேண்டும் என்பது பாஜகவின் குரல். திமுக அரசு சாமானியர்களின் குரலை நசுக்கும் வேளையில், இன்னும் இரண்டாண்டுகளில் தீய ஆட்சி கவிழும் வரை பாஜகவின் குரல் சாமானியனின் குரலாக இருக்க வேண்டும்.
