தனிநபர் குற்றங்களுக்கு குண்டர் சட்டத்தை பயன்படுத்தக் கூடாது என உச்ச நீதிமன்றம் அறிவுறுத்தியுள்ளது.
செல்வராஜ் நிதி மோசடியில் ஈடுபட்டதற்காக குண்டர் தடுப்புச் சட்டத்தின் கீழ் சிறையில் அடைக்கப்பட்டார். அதை ரத்து செய்யக் கோரி சென்னை உயர்நீதிமன்றத்தில் மனு தாக்கல் செய்திருந்தார். இந்த மனு நீதிபதிகள் எஸ்.எம்.சுப்பிரமணியம், வி.சிவஞானம் அமர்வில் இன்று விசாரணைக்கு வந்தது.
அப்போது, மனுதாரர் உதவியுடன், போலி வங்கி கணக்கு துவங்கி, போலி சம்பள சான்றிதழ் தயாரித்து, அதன் மூலம், வங்கியில் கடன் பெற்று, ரூ.3.30 கோடி வரை மோசடி செய்துள்ளதாக, போலீசார் தெரிவித்தனர்.
மனுதாரரின் உதவியோடுதான் மோசடி நடந்துள்ளது என்ற நீதிமன்றத்தில் எழுந்த வாதத்தை நிராகரித்த நீதிபதிகள், இதுபோன்ற தனிநபர் குற்றங்களுக்கு குண்டர் சட்டத்தை பயன்படுத்தக் கூடாது என்று கூறினர்.
மேலும், யார் குண்டர்கள் என்பதை தமிழக அரசு தீவிரமாகச் சிந்தித்து, குண்டர் சட்டத்தில் யாரைப் பதிவு செய்ய வேண்டும் என்பதில் தெளிவு இருக்க வேண்டும் என்றும், குண்டர் சட்டத்தை பொதுவாகப் பயன்படுத்துவதை அனுமதிக்க முடியாது என்றும் சென்னை உயர் நீதிமன்றம் அறிவுறுத்தியுள்ளது.
