தமிழகத்தில் ஆர்எஸ்எஸ் அணிவகுப்பு மற்றும் பொதுக்கூட்டங்களை மாலை 3 மணி முதல் இரவு 7 மணி வரை நடத்த சென்னை உயர்நீதிமன்றம் அனுமதி அளித்துள்ளது.
விஜயதசமியை முன்னிட்டு அக்டோபர் 6ஆம் தேதி அணி வகுப்பு நடத்த ஆர்எஸ்எஸ் அனுமதி கேட்டுள்ளது. அந்த அமைப்பின் சார்பில் அதன் நிர்வாகிகள் கார்த்திகேயன் உள்ளிட்டோர் சென்னை உயர் நீதிமன்றத்தில் மனு தாக்கல் செய்தனர்.
இந்த மனுக்கள் நீதிபதி ஜி.ஜெயச்சந்திரன் முன்பு இன்று மீண்டும் விசாரணைக்கு வந்தது. அப்போது, 58 இடங்களில் அனுமதி கோரப்பட்ட நிலையில், 52 இடங்களில் ஆர்.எஸ்.எஸ்., அணிவகுப்பு நடத்த அனுமதி அளிக்கப்பட்டதாகவும், மாங்காடு உள்ளிட்ட இடங்களில், ஊர்வலத்துக்கு, பள்ளி நிர்வாகம் அனுமதி அளிக்காததாகவும், போலீசார் தரப்பில் தெரிவிக்கப்பட்டது.
தனியார் பள்ளிகளில் ஆர்.எஸ்.எஸ் பேரணியை ஏன் நடத்தக் கூடாது என்று கேள்வி எழுப்பிய நீதிபதி, தனியார் பள்ளி நிர்வாகம் அனுமதித்தால் காவல்துறை ஏன் அனுமதி மறுத்தது.
தனியார் பள்ளிகளில் மற்ற நிகழ்ச்சிகள் நடத்தப்படுவது குறித்து கேள்வி எழுப்பிய நீதிபதி, ஆர்எஸ்எஸ் அணிவகுப்புக்கு புதிய விதிகளில் கட்டுப்பாடு விதிக்கக் கூடாது என்றும் உத்தரவிட்டார்.
நீதிபதி ஜெயச்சந்திரன் அனுமதி அளித்து, தமிழகம் முழுவதும் மாலை 3 மணி முதல் 7 மணி வரை ஆர்எஸ்எஸ் அணிவகுப்பு மற்றும் பொதுக்கூட்டங்கள் நடத்தலாம் என உத்தரவிட்டார்.
