இந்தியா – பாகிஸ்தான் இடையே என் தலையீட்டால் அமைதி நிலவியதுபோல், இஸ்ரேல் – ஈரான் இடையேயும் விரைவில் அமைதி ஏற்படும் என அமெரிக்காவின் முன்னாள் ஜனாதிபதி டொனால்ட் ட்ரம்ப் தெரிவித்துள்ளார்.
இதைத் தொடர்பாக தனது “ட்ரூத்” சமூக வலைதளத்தில் அவர் வெளியிட்ட தகவலில் கூறியதாவது:
“ஈரானும் இஸ்ரேலும் விரைவில் ஒரு ஒப்பந்தத்திற்கு வரவேண்டும். இந்தியா மற்றும் பாகிஸ்தான் இடையே, நான் அமெரிக்க வர்த்தகத்தை ஓர் ஆயுதமாகக் கொண்டு, இரு சிறந்த தலைவர்களுடன் பேசிச் சர்வதேச அமைதியை உருவாக்கி, போரை முடிவுக்கு கொண்டு வந்தேன்.
அதேபோல், என் முதல் பதவிக் காலத்தில் செர்பியா மற்றும் கொசோவோ இடையே பல வருடங்களாக தொடர்ந்து வந்த கடுமையான முரண்பாடுகள் ஒரு பெரிய போராக மாறும் அபாயம் இருந்தது. ஆனால் என் நடவடிக்கைகள் அதனைத் தடந்துவைத்தன. (துரதிருஷ்டவசமாக, பைடனின் சில தவறான முடிவுகள் நிலையான அமைதியை பாதித்துள்ளன. இருந்தாலும், அதை மீண்டும் சரிசெய்வதற்கான முயற்சியில் நான் இருக்கிறேன்.)
எகிப்து மற்றும் எத்தியோப்பியாவுக்கு இடையில் நைல் நதி அணைக்கு ஒத்திகையிலான பெரும் கருத்து வேறுபாடுகள் இருந்தன. என் தலையீட்டால் அந்த பகுதியில் தற்காலிக அமைதி ஏற்பட்டது. அது நீடிக்கும் என நம்புகிறேன்.
இதேபோன்று, இஸ்ரேலும் ஈரானும் சமாதான பாதையில் நடக்க ஆரம்பித்துள்ளனர். பல சந்திப்புகள் மற்றும் உரையாடல்கள் தற்போது நடைபெற்று வருகின்றன. நான் பல நடவடிக்கைகள் எடுக்கின்றேன். எனது பங்கு பெரும்பாலும் வெளிச்சத்திற்கு வராதாலும், மக்களுக்கு அது புரிகிறது. மத்திய கிழக்கை மீண்டும் வளமிக்கதாக மாற்றுவோம்” என ட்ரம்ப் குறிப்பிட்டுள்ளார்.
