இலங்கை, வங்கதேசம் பாணியில் நேபாளத்தில் மக்கள் எழுச்சி – இந்தியாவுக்கு புதிய சவால்!

இந்தியாவின் அண்டை நாடுகளில் தொடர்ந்து மக்கள் கிளர்ச்சிகள் வெடிப்பது, இந்தியாவின் புவியியல் அரசியல் நிலைப்பாட்டுக்கு பெரும் சவாலை ஏற்படுத்தியுள்ளது.

3 ஆண்டுகள் – 3 நாடுகள்:

• 2022: இலங்கையில் கடுமையான பொருளாதார நெருக்கடி காரணமாக மக்கள் போராட்டம் வெடித்து, அதிபர் கோத்தபய ராஜபக்ச பதவி விலகி வெளிநாடு தஞ்சமடைந்தார்.
• 2024: வங்கதேசத்தில் மாணவர் போராட்டம் தீவிரமடைந்து, பிரதமர் ஷேக் ஹசீனா பதவி விலகி இந்தியாவில் தஞ்சமடைந்தார். அங்கு முகமது யூனுஸ் தலைமையில் இடைக்கால அரசு அமைந்தது.
• 2025: இப்போது நேபாளத்தில் ஜெனரேஷன் Z இளைஞர்கள் நடத்திய போராட்டம், பிரதமர் கே.பி.சர்மா ஒலியின் கம்யூனிஸ்ட் அரசை கவிழ்த்துள்ளது. அதிபர் ராம்சந்திர பவுடேலும் ராஜினாமா செய்ததால் அந்நாட்டில் அரசியல் குழப்பம் தீவிரமடைந்துள்ளது.

சர்வதேச சதி?

இலங்கை, வங்கதேசம், நேபாளம் – மூன்றிலும் ஒரே மாதிரியான போராட்ட பாணி நடந்துள்ளது. மாணவர்கள் தொடங்கி, தலைவர்கள் ராஜினாமா செய்யும் வரை நீடித்த போராட்டம். இதற்குப் பின்னால் அமெரிக்கா – சீனா ஆகிய வல்லரசுகளின் கையாடல் இருக்கலாம் என்று நிபுணர்கள் சந்தேகிக்கின்றனர்.

நேபாளத்தின் தனித்துவம்:

• முதலில் சமூக வலைதளத் தடைக்கு எதிராக போராட்டம் ஆரம்பமாகி பின்னர் ஊழல், வேலைஇல்லாமை போன்ற காரணங்களால் தீவிரமடைந்தது.
• ஒலி துபாயில் தஞ்சம் அடைந்ததாகச் செய்திகள் வெளியாகின்றன.
• நேபாளம் இந்தியாவுக்கு மிக முக்கியமான நாடு. சிக்கிம், பீஹார், உத்தரப் பிரதேசம், உத்தராகண்ட், மேற்கு வங்கம் என ஐந்து மாநிலங்களுடன் எல்லை பகிர்ந்து கொள்கிறது. உணவு, எரிபொருள் அனைத்துக்கும் இந்தியாவையே சார்ந்துள்ளது.
• ஆனால் அரசியல் ரீதியில் நேபாள அரசுகள் பெரும்பாலும் சீனாவுக்கு நெருக்கமாக இருந்தன.

சீனா – அமெரிக்கா போட்டி:

• நேபாளம் சீனாவின் ‘பெல்ட் அண்ட் ரோடு’ திட்டத்தில் கையெழுத்திட்டுள்ளது.
• மறுபுறம், அமெரிக்கா 500 மில்லியன் டாலர் உதவி அறிவித்தது.
• ஆனாலும் ஒலி, சீனாவுக்கே அதிக ஆதரவு காட்டினார். இது அமெரிக்காவுக்கு பிடிக்கவில்லை.
• இதன் பின்னணியில்தான் இந்தப் போராட்டம் வெடித்திருக்கலாம் என சிலர் குற்றஞ்சாட்டுகின்றனர்.

இந்தியாவுக்கு சவால்:

ஏற்கெனவே வங்கதேசத்தில் ஹசீனா பதவி விலகியதால் உறவில் சிக்கல் உள்ளது. மியான்மார் உள்நாட்டுப் போராட்டம், பாகிஸ்தானின் துருவி நிலை ஆகியவை இந்தியாவை கவலைக்குள்ளாக்கியுள்ளன. இந்நிலையில் நேபாள அரசியல் திடீர் கலவரம், இந்தியாவின் புவியியல் மற்றும் பாதுகாப்பு நலன்களுக்கு பெரும் சவாலை ஏற்படுத்தியுள்ளது.

நிபுணர்கள் கருத்துப்படி, இந்தியா நேபாள இளைஞர்களுக்கு கல்வி ஃபெலோஷிப், வேலை வாய்ப்பு போன்றவற்றை அதிகரித்து, அந்நாட்டை முழுமையாக சீனா அல்லது அமெரிக்கா செல்வாக்கில் சிக்காமல் காப்பாற்ற வேண்டும்