தமிழகத்தில் இன்று (ஆகஸ்ட் 11) முதல் ஆகஸ்ட் 16 வரை மழை பெய்ய வாய்ப்பு உள்ளது.
சென்னை வானிலை ஆய்வு மையம் வெளியிட்ட செய்திக்குறிப்பில், தென்னிந்திய பகுதிகளில் மேல் வளிமண்டலத்தில் மேலடுக்கு சுழற்சி நிலவுவதால், நாளை முதல் ஆகஸ்ட் 16-ம் தேதி வரை தமிழகம், புதுச்சேரி மற்றும் காரைக்கால் பகுதிகளில் சில இடங்களில் லேசானது முதல் மிதமான அளவிலான மழை பெய்யக்கூடும் என தெரிவிக்கப்பட்டுள்ளது.
சென்னை மற்றும் அதன் புறநகரில் நாளை வானம் மேகமூட்டத்துடன் காணப்பட்டு, சில பகுதிகளில் லேசான மழை வரும் வாய்ப்பும் உள்ளது.
தென் தமிழகம் கடலோர பகுதிகள், மன்னார் வளைகுடா மற்றும் குமரிக்கடல் பகுதிகளில் ஆகஸ்ட் 14 வரை சூறாவளிக் காற்று 40-50 கி.மீ/மணியாகவும், இடையிடையே 60 கி.மீ/மணியாகவும் வீசக்கூடும். ஆகவே, இப்பகுதிகளுக்கு மீனவர்கள் கடலில் செல்லாமல் இருக்க அறிவுறுத்தப்பட்டுள்ளது.
கடந்த 24 மணி நேரத்தில் மழை அளவு:
- மதுரை மாவட்டம் உசிலம்பட்டி, குப்பணம்பட்டி: 9 செ.மீ
- பேரையூர்: 8 செ.மீ
- விருதுநகர் மாவட்டம் ஸ்ரீவில்லிபுத்தூர்: 7 செ.மீ
- கரூர், கடலூர் மாவட்டம் லக்கூர்
- புதுக்கோட்டை மாவட்டம் கீரனூர்: தலா 5 செ.மீ
- வேலூர் மாவட்டம் மேலாலத்தூர்
- நாமக்கல் மாவட்டம் புதுச்சத்திரம், ராசிபுரம்
- மதுரை மாவட்டம் வாடிப்பட்டி, எழுமலை
- கரூர் மாவட்டம் கிருஷ்ணராயபுரம்
- நீலகிரி மாவட்டம் விண்ட் வொர்த் எஸ்டேட்: தலா 4 செ.மீ
எனவும் சென்னை வானிலை ஆய்வு மையம் குறிப்பிட்டுள்ளது.
