ரீஃபெக்ஸ் இவீல்ஸ் நிறுவனம் ரீஃபெக்ஸ் மொபிலிட்டி என பெயர் மாற்றம்; அனிருத் அருண் புதிய சிஇஓ ஆக நியமனம்
தூய்மைப் பணியாளர்களின் பணி நிரந்தரத்துடன் தொடர்புடைய பிரச்சினைகள் ஒரே நாளில் தீர முடியாது என்று மாநகராட்சி நிர்வாகத் துறை அமைச்சர் கே.என்.நேரு தெரிவித்துள்ளார்.
திருச்சியில் உறையூரில் இன்று செய்தியாளர்களிடம் அவர் கூறியதாவது: “சென்னையில் போராட்டத்தில் ஈடுபடும் மாநகராட்சி தூய்மைப் பணியாளர்களை, நான் துறை அமைச்சராக சந்திக்கவில்லை என்பது தவறு. நாங்கள் கடந்த 4 நாட்கள் அவர்களுடன் பேச்சுவார்த்தை நடத்தி வருகிறோம். பிரச்சினையை சமமாக தீர்க்க அனைத்து முயற்சிகளையும் மேற்கொண்டுள்ளோம்.
தூய்மைப் பணியாளர்களின் பணி நிரந்தரத்தை முடிவு செய்வது முதல்வரின் அதிகாரத்தில் உள்ளது. ஏற்கனவே 17,000 பேரை நாங்கள் பணி நிரந்தரமாக்கியுள்ளோம் என்று அதிமுக முன்னாள் அமைச்சர் ஒருவர் கூறியுள்ளார். ஆனால், சிலர் தூய்மைப் பணிக்காக நியமிக்கப்பட்டவர்களை வேறு பணிகளுக்கு பயன்படுத்தி வருவதாகவும் கூறினார்.
நாடு முழுவதும் தூய்மைப் பணியில் சிக்கல்கள் உள்ளன. ஒரே நாளில் பணி நிரந்தரம் செய்வது சாத்தியமில்லை; ஓரிரு நாட்களில் இது முடிவுக்கு வரும். குப்பை அதிகமாக குவியாமல் இருக்கும் வகையில், பல இடங்களில் தூய்மைப் பணியாளர்களை பயன்படுத்தி குப்பையை அகற்றுகிறோம். புதிதாக யாரையும் இந்தப் பணியில் நியமிக்கவில்லை.
மேலும், தெரு நாய்கள் தொடர்பான உச்சநீதிமன்ற உத்தரவை பிறப்பித்துள்ளோம். அதன் பேரில் மாநகராட்சிகள் திட்டத்தை செயல்படுத்தும். நிதி நிலையை பொறுத்து, தேர்தல் வாக்குறுதிகளை ஒரே நேரத்தில் அல்ல, படிப்படியாக நிறைவேற்றுகிறோம். முதல்வர் கூறியதைவிட கூட சில வாக்குறுதிகளும் நிறைவேற்றப்பட்டுள்ளன” என்றார் கே.என்.நேரு.
