மதுரை தவெக மாநாட்டிற்கு இருசக்கர வாகனங்களில் வருவதை தவிர்க்குமாறு அறிவுறுத்தல்

மதுரை மாவட்ட காவல் துறை தெரிவித்துள்ளதாவது: ஆகஸ்ட் 21 அன்று மதுரை – தூத்துக்குடி சாலையின் பாரபத்தி பகுதியில் நடைபெறும் தவெக கட்சியின் 2-வது மாநில மாநாட்டிற்கு, பொதுமக்கள் மற்றும் கட்சியினர் இருசக்கர வாகனங்களில் வராமல் இருக்க வேண்டும். மாநாட்டினை முன்னிட்டு போக்குவரத்து நெரிசலைத் தவிர்க்க சிறப்பு போக்குவரத்து மாற்றங்கள் அறிவிக்கப்பட்டுள்ளன.

பார்க்கிங் – 1-க்கு செல்லும் வழித்தடங்கள்:

• கன்னியாகுமரி, நெல்லை, தென்காசி மாவட்ட வாகனங்கள் → கோவில்பட்டி, அருப்புக்கோட்டை, காரியாபட்டி, ஆவியூர் வழியாக மாநாட்டு திடல்.
• தூத்துக்குடி, விருதுநகர் வாகனங்கள் → அருப்புக்கோட்டை, காரியாபட்டி, ஆவியூர் வழியாக.
• ராமநாதபுரம் வாகனங்கள் → பார்த்திபனூர், நரிக்குடி, திருச்சுழி, அருப்புக்கோட்டை, காரியாபட்டி, ஆவியூர் வழியாக.
• தஞ்சாவூர், நாகை, திருவாரூர், மயிலாடுதுறை, புதுக்கோட்டை, சிவகங்கை வாகனங்கள் → சிவகங்கை, திருப்புவனம், ஏ.முக்குளம், மீனாட்சிபுரம், ஆவியூர் வழியாக.

பார்க்கிங் – 1ஏ வழித்தடங்கள்:

• கோவை, திருப்பூர், ஈரோடு, சேலம், நாமக்கல், கரூர், தருமபுரி, கிருஷ்ணகிரி வாகனங்கள் → திண்டுக்கல் மார்க்கம், பாண்டியராஜபுரம், நாகமலை புதுக்கோட்டை, கப்பலூர் மேம்பாலம், மேலக்கோட்டை, கூடக்கோவில் வழியாக.
• தேனி வாகனங்கள் → ஆண்டிபட்டி கணவாய், உசிலம்பட்டி, செக்கானூரணி, நாகமலை புதுக்கோட்டை, கப்பலூர் மேம்பாலம், மேலக்கோட்டை, கூடக்கோவில் வழியாக.

பார்க்கிங் – 2 மற்றும் 3 வழித்தடங்கள்:

• சென்னை, விழுப்புரம், வேலூர், கடலூர், கள்ளக்குறிச்சி, காஞ்சிபுரம், திருவள்ளூர், திருவண்ணாமலை வாகனங்கள் → திருச்சி மார்க்கம், விராலிமலை, மேலூர் விரகனூர் ரவுண்டானா, அருப்புக்கோட்டை சந்திப்பு, பாரபத்தி வழியாக.

கனரக வாகன மாற்றுப்பாதைகள்:

• வடமாவட்டங்களில் இருந்து தென்மாவட்டங்களுக்கு → திருச்சி, மணப்பாறை, திண்டுக்கல், திருமங்கலம் வழியாக.
• தென்மாவட்டங்களில் இருந்து வடமாவட்டங்களுக்கு → திருமங்கலம், திண்டுக்கல், மணப்பாறை, திருச்சி வழியாக.
• வடமாவட்டங்களில் இருந்து சிவகங்கை, ராமநாதபுரம் → திருச்சி, கீரனூர், புதுக்கோட்டை, காரைக்குடி வழியாக.
• சிவகங்கை, ராமநாதபுரம் மாவட்டங்களில் இருந்து வடமாவட்டங்களுக்கு → காரைக்குடி, கீரனூர், புதுக்கோட்டை, திருச்சி வழியாக.
• மேற்கு மாவட்டங்கள் ↔ தென்மாவட்டங்கள் → திண்டுக்கல், திருமங்கலம் வழியாக.
• ராமநாதபுரம், சிவகங்கை ↔ மேற்கு மாவட்டங்கள் → கொட்டாம்பட்டி, நத்தம், திண்டுக்கல் வழியாக.
• தேனி ↔ தென்மாவட்டங்கள் → உசிலம்பட்டி, பேரையூர் வழியாக.
• தேனி ↔ ராமநாதபுரம், சிவகங்கை → பெரியகுளம், திண்டுக்கல், நத்தம், கொட்டாம்பட்டி வழியாக.

பொதுமக்கள் மாற்றுப்பாதைகள்:

• மதுரை வழியாக தென்மாவட்டங்களுக்கு செல்லும் வாகனங்கள் → ராமநாதபுரம் ரிங்ரோடு, திருப்புவனம், நரிக்குடி, திருச்சுழி, காரியாபட்டி, அருப்புக்கோட்டை வழியாக செல்ல வேண்டும்.
• மேலும், கப்பலூர் பாலம், திருமங்கலம், கள்ளிக்குடி, காரியாபட்டி, அருப்புக்கோட்டை வழியாகவும் செல்லலாம்.

காவல்துறை வேண்டுகோள்:

மாநாட்டுக்கு வரும் பொதுமக்கள் மற்றும் கட்சியினர், பாதுகாப்பு மற்றும் போக்குவரத்து சிரமங்களைத் தவிர்க்க, குறிப்பாக இருசக்கர வாகனங்களில் வருவதை தவிர்க்க வேண்டும். மேலும், மாநாட்டு வாகனங்கள் மற்றும் கனரக வாகனங்களுக்கு குறிப்பிடப்பட்டுள்ள மாற்றுப்பாதைகளையே பயன்படுத்துமாறு மாவட்ட காவல் கண்காணிப்பாளர் அரவிந்த் கேட்டுக்கொண்டுள்ளார்.