‘Good Luck Champ’ – ஸ்ரேயஸ் ஐயருக்கு ஆசிய கோப்பை அணியில் இடமில்லை: நெட்டிசன்கள் எதிரொலி

ஆசிய கோப்பைக்கான இந்திய கிரிக்கெட் அணியில் ஸ்ரேயஸ் ஐயருக்கு வாய்ப்பு மறுக்கப்பட்டதால், ரசிகர்கள் மற்றும் நெட்டிசன்கள் சமூக வலைதளங்களில் பல்வேறு கருத்துக்களை பகிர்ந்து வருகின்றனர்.

தேர்வுக்குழு தலைவர் விளக்கம்:

“இதில் அவருக்கு எந்த குறையும் இல்லை. தற்போது அவர் காத்திருக்க வேண்டிய சூழ்நிலை மட்டுமே” என்று தலைமை தேர்வாளர் அஜித் அகர்கர் தெரிவித்துள்ளார்.

ஸ்ரேயஸின் அண்மை சாதனைகள்:

• கடந்த இரண்டு சீசன்களில் டி20 கிரிக்கெட்டில் அவர் வெளிப்படுத்திய ஆட்டம் கவனிக்கத்தக்கது.
• 2025 ஐபிஎல் சீசனில் பஞ்சாப் கிங்ஸ் அணியை கேப்டனாக வழிநடத்திய அவர், 175.07 ஸ்ட்ரைக் ரேட்டில் 600க்கும் மேற்பட்ட ரன்கள் குவித்தார்.
• ஸ்பின் பந்துவீச்சாளர்களுக்கு எதிராக சிறப்பாக விளையாடும் திறன் கொண்டவர்.
• 2024 ஐபிஎல் தொடரில் கொல்கத்தா அணிக்கு சாம்பியன் பட்டம் வென்றுக் கொடுத்த கேப்டனாக ஜொலித்தார்.
• உள்நாட்டு கிரிக்கெட்டிலும் தொடர்ந்து சிறந்த ஆட்டம் வெளிப்படுத்தி வருகிறார்.

சாம்பியன்ஸ் டிராபியில் பிரகாசம்:

துபாயில் பிப்ரவரி–மார்ச் மாதங்களில் நடந்த சாம்பியன்ஸ் டிராபியில், இந்திய அணிக்காக அதிக ரன்கள் எடுத்தவர் ஸ்ரேயஸ் ஐயர். இதனால், ஆசிய கோப்பை அணியில் அவர் இடம் பெறுவார் என்று எதிர்பார்க்கப்பட்டது. ஆனால், பிசிசிஐ அவரை தேர்வு செய்யாதது ரசிகர்களுக்கு அதிர்ச்சியை ஏற்படுத்தியுள்ளது.

நெட்டிசன்களின் எதிர்வினைகள்:

• “டி20 அணியில் சேர்வதற்கு இன்னும் என்ன செய்ய வேண்டும்?”
• “ஸ்ரேயஸ் ஐயராக இருப்பது எளிதல்ல.”
• “துணை கேப்டனாக கூட தேர்வு செய்ய வேண்டியவர்.”
• “அவரின் திறமைக்கு ஏற்ப அணியில் அவசியம் இருக்க வேண்டியவர்.”
• “இது உண்மையிலேயே ஹார்ட் பிரேக்.”
• “அபாரமான திறன் கொண்டவர். தேர்வு செய்யாதது துரதிர்ஷ்டம்.”
• “ஒருமுறை வெளியேறிவிட்டால் மீண்டும் டி20 அணியில் வருவது மிகக் கடினம்.”
• “‘Good Luck Champ’ 💔”