“விஜய் பெருமை பேச வேண்டாம்” – சீமான் விமர்சனம்

“அரசியலுக்கு வந்தால் மக்களுக்கு சேவை செய்யுங்கள்; பெருமை பேச வேண்டாம்” என தவெக தலைவர் விஜய்யை, நாம் தமிழர் கட்சியின் தலைமை ஒருங்கிணைப்பாளர் சீமான் கடுமையாக விமர்சித்தார்.

செய்தியாளர்களிடம் பேசிய அவர், “மக்களுக்கு சேவை செய்ய வருகிறீர்களானால், சேவை செய்ய வந்தவராகவே இருக்க வேண்டும். விஜய் சினிமாவில் முன்னணி நடிகர்; அவருக்கென தனிப்பட்ட வணிகமும் இருக்கிறது. ஆனால், ‘என்னுடைய உச்ச நிலையை, வருமானத்தை விட்டுவிட்டு மக்களுக்காக வந்தேன்’ என்று அடிக்கடி கூறுகிறார்.

யார் அவரை சினிமாவை விட்டு அரசியலுக்கு வரச் சொன்னது? இப்படி பெருமை பேசக் கூடாது. அப்படிச் சொல்வது ஒரு தலைவருக்கு ஏற்றதல்ல” எனக் கூறினார்.