எஸ்.ஐ, தீயணைப்புத் துறை காலி பணியிடங்களுக்கான இறுதி தேர்வு பட்டியலை 30 நாட்களுக்குள் வெளியிட ஐகோர்ட் உத்தரவு
தமிழகத்தில் காலியாக உள்ள 621 காவல் உதவி ஆய்வாளர் மற்றும் 129 தீயணைப்புத் துறை நிலைய அதிகாரிகள் பணியிடங்களுக்கான இறுதி தேர்வுப் பட்டியலை 30 நாட்களுக்குள் வெளியிட சென்னை உயர்நீதிமன்றம் தமிழ்நாடு சீருடைப் பணியாளர் தேர்வாணையத்துக்கு உத்தரவிட்டுள்ளது.
இந்த பணியிடங்களுக்கு 2023-ஆம் ஆண்டு விண்ணப்பங்கள் வரவேற்று, எழுத்துத் தேர்வு, உடல் தகுதி, நேர்முகத் தேர்வு போன்ற அனைத்து தேர்வுப் படிகள் முடிந்த பிறகு, 2024 ஜனவரியில் தற்காலிக தேர்வு பட்டியல் வெளியிடப்பட்டது.
ஆனால், இடஒதுக்கீட்டு நடைமுறைகள் முறையாக பின்பற்றப்படவில்லை என்ற வழக்கில், பட்டியலில் திருத்தம் செய்து வெளியிட வேண்டும் என உயர்நீதிமன்றம் உத்தரவிட்டது. 2024 அக்டோபர் 3-ம் தேதி திருத்திய தற்காலிக பட்டியல் வெளியிடப்பட்டாலும், பல விண்ணப்பதாரர்களின் பெயர்கள் தவறாக இருந்து வழக்குகள் தாக்கல் செய்யபட்டன.
இந்த வழக்குகளை விசாரித்த தனி நீதிபதி, திருத்திய பட்டியலை ரத்து செய்து, புதிய தேர்வு பட்டியலை தயாரிக்க, ஜம்மு–காஷ்மீர் உயர் நீதிமன்ற ஓய்வுபெற்ற தலைமை நீதிபதி என். பால்வசந்தகுமாரை நியமித்து உத்தரவிட்டார்.
மேலும், புதிய தேர்வுப் பட்டியலை 3 மாதங்களுக்குள் தயாரித்து, தமிழ்நாடு சீருடைப் பணியாளர் தேர்வாணைய தலைவர் வசத்திற்கு ஒப்படைத்து வெளியிட வேண்டும் என்றும் உத்தரவிடப்பட்டது.
இதைப் பின்பற்றி, நீதிபதிகள் ஆர்.சுரேஷ்குமார் மற்றும் ஹேமந்த் சந்தன்கவுடர், முன்னிருப்பு சட்டங்களை பின்பற்றியும், எந்த விதிமீறலும் இல்லாமல் தேர்வு பட்டியல் தயாரிக்கப்பட்டுள்ளதாகக் கூறி, மேல் முறையீட்டு மனு தள்ளுபடி செய்யப்பட்டது.
இதன்படி, 30 நாட்களுக்குள் இறுதி தேர்வுப் பட்டியலை வெளியிட சீருடைப் பணியாளர் தேர்வாணையத்துக்கு உத்தரவிடப்பட்டுள்ளது.
