லோக்சபா தேர்தலில் பா.ஜ.,வால் ஏன் பெரும்பான்மையை பெற முடியவில்லை என்பது குறித்து, அக்கட்சி ஆளும் மாநில முதல்வர்களுடன், இம்மாத இறுதியில் ஆலோசனை நடத்தப்படும். பாஜக ஆளும் மாநில முதல்வர்களின் ஆலோசனைக் கூட்டத்தை டெல்லியில் ஜூலை இறுதியில் அக்கட்சி கூட்டியுள்ளதாக தகவல்கள் வெளியாகியுள்ளன.
லோக்சபா தேர்தலில் 400க்கும் மேற்பட்ட இடங்களில் வெற்றி பெறுவோம் என பாஜ பிரசாரம் செய்தது. ஆனால், பெரும்பான்மைக்கு தேவையான 272 இடங்களைக் கூட பாஜக பெறவில்லை. பாஜக மட்டும் 243 இடங்களில் மட்டுமே வெற்றி பெற்றது. இதனால் மத்தியில் பாஜக தலைமையிலான தேசிய ஜனநாயகக் கூட்டணி ஆட்சி அமைந்தது. பிரதமர் மோடி 3வது முறையாக பிரதமராக பதவியேற்கிறார்.
லோக்சபா தேர்தலில் பா.ஜ.,வுக்கு ஏற்பட்ட பின்னடைவை, அக்கட்சி தலைவர்களால் இன்னும் ஜீரணிக்க முடியவில்லை. மேலும், 7 மாநிலங்களில் உள்ள 13 சட்டமன்ற தொகுதிகளில் பாஜக பெரும் தோல்வியை சந்தித்தது. இது டெல்லி பாஜக தலைமைக்கு அதிர்ச்சியை ஏற்படுத்தியுள்ளது.
தற்போது உத்தரபிரதேச மாநிலத்தில் 10 சட்டமன்ற தொகுதிகளுக்கு இடைத்தேர்தல் நடைபெற உள்ளது. ஆனால் உத்தரபிரதேசத்தில் முதல்வர் யோகி ஆதித்யநாத்துக்கு எதிராக துணை முதல்வர் கேசவ் பிரசாத் மவுரியா தலைமையில் பாஜக எம்பிக்கள் போர்க்கொடி தூக்கி வருகின்றனர்.
மக்களவை ஒரு நாள் முன்கூட்டியே ஒத்திவைப்பு- ராகுல் காந்தியின் நீட் விவாத கோரிக்கை நிராகரிப்பு! மக்களவை ஒரு நாள் முன்கூட்டியே ஒத்திவைப்பு- ராகுல் காந்தியின் நீட் விவாத கோரிக்கை நிராகரிப்பு!
இந்நிலையில் லோக்சபா தேர்தலில் பின்னடைவு ஏற்பட்டது ஏன்? இது தொடர்பான ஆய்வுக் கூட்டங்களை டெல்லி பாஜக தலைமை நடத்தி வருகிறது. இதன் ஒரு பகுதியாக பாஜக ஆளும் மாநில முதல்வர்களை ஜூலை இறுதியில் டெல்லிக்கு வரவழைத்துள்ளனர். இந்தக் கூட்டத்தில் உங்கள் மாநிலங்களில் பாஜகவுக்கு ஏன் இவ்வளவு பெரிய பின்னடைவு? கேள்விகள் கேட்கப்பட்டு விளக்கங்கள் கேட்கப்படுகின்றன.
