நாடாளுமன்றத்தில் சமோசா பிரச்சினையை எழுப்பிய பாஜக எம்.பி ரவி கிஷண் – நெட்டிசன்களின் கடும் விமர்சனங்கள்
நாடாளுமன்ற மக்களவையில் சமோசா விலை மற்றும் அளவு குறைவாக உள்ளதைப் பற்றி பாஜகவின் எம்.பி, பிரபல போஜ்புரி நடிகர் ரவி கிஷண் சமீபத்தில் பரபரப்பாகப் பேசினார். அவர் கூறியதாவது, சமோசாவின் அளவுகள் குறைந்திருப்பதோடு, விலை அதிகரித்திருப்பதைக் குறை கூறி, மத்திய அரசு முழு நாட்டிலும் சமோசா விலை மற்றும் அளவுக்கான ஒரே நிலைப்பாட்டை சட்டமாக அறிமுகப்படுத்த வேண்டும் என கோரிக்கை விடுத்தார்.
இத்தகைய பிரச்சினையை நாடாளுமன்றத்தில் முதன்முறையாக பாஜக எம்பி எழுப்பியதாக கூறப்படுகிறது. இதனால் சமூக வலைதளங்களில் இவர் மீது கிண்டல், விமர்சனங்கள் பரவியுள்ளது. சிலர் “சமோசாவைப் பற்றி பேசுவது பரபரப்பாக இருக்கலாம்” என்றாலும், “சமோசா பிரச்சினை உண்மையான உணவுக் குறைபாடுகளை வெளிப்படுத்துகிறது” என்றும் கருத்து தெரிவித்துள்ளனர்.
மற்றபடி, பொருளாதாரம் மோசமாகி, வேலைவாய்ப்பு குறைந்து, விலைகள் அதிகரிக்கும் போது, சமோசா பிரச்சனை மட்டுமே முக்கியம் என்று ஒருவர்கள் நகைத்துப் பேசியதுடன், இதற்கு எதிராகவும் பல விமர்சனங்கள் வெளிவந்துள்ளன.
தற்போது ரவி கிஷண் சமூக வலைதளங்களில் தொடர்ந்து கருத்துக்களை பகிர்ந்து, “சமோசாவின் தரமும், விலையும் தெளிவாக வாடிக்கையாளர்களுக்கு தெரிவிக்கப்பட வேண்டும். உணவுத்துறையில் சீர்திருத்தங்கள் தேவையாக உள்ளன” என வலியுறுத்தி வருகின்றார்.
போஜ்புரி நடிகராக புகழ்பெற்ற இவர், 2014-ஆம் ஆண்டு காங்கிரஸில் போட்டியிட்டு தோல்வி அடைந்தபின்பு 2019-ஆம் ஆண்டு பாஜகவில் சேர்ந்தார். 2019 மற்றும் 2024 மக்களவைத் தேர்தலில் வெற்றி பெற்ற இவர், உத்தரப் பிரதேசம் கோரக்பூர் தொகுதியின் எம்பியாக உள்ளார். சமீபத்தில் சிறந்த எம்பி விருது “சன்சத் ரத்னா” உடன் கௌரவிக்கப்பட்டவர் என்பதும் குறிப்பிடத்தக்கது.
