ஜப்பானில் ஏற்பட்ட பயங்கர நிலநடுக்கத்தால் 3 லட்சத்து 20 ஆயிரம் பேர் வரை உயிரிழக்கும் அபாயம் உள்ளதாக விஞ்ஞானிகள் எச்சரித்துள்ளனர்.
உலகில் நிலநடுக்கத்தால் அதிகம் பாதிக்கப்படும் நாடுகளில் ஜப்பானும் ஒன்று. ஒரு வருடத்தில் சராசரியாக 1,500 நிலநடுக்கங்கள் அங்கு ஏற்படுவதாகக் கூறப்படுகிறது.
உலகில் ஏற்படும் நிலநடுக்கங்களில் 18 சதவீதம் ஜப்பானில் மட்டுமே ஏற்படுவதாக தரவுகள் தெரிவிக்கின்றன. இதனால், பலர் அவ்வப்போது உயிரிழக்கின்றனர்.
டெக்டோனிக் தகடுகள் ஒன்றோடொன்று உராய்ந்து கொண்டிருக்கும் நாடு அமைந்திருப்பதால் அடிக்கடி நிலநடுக்கங்கள் ஏற்படுகின்றன.
எந்த நேரத்திலும் நிலநடுக்கத்தில் இறந்துவிடுவோம் என்ற நம்பிக்கையில் தான் வாழ்வதாக ஜப்பானியர்கள் கூறுகிறார்கள், ஆனால் அது இன்று இருக்காது.
இந்நிலையில், கடந்த வியாழக்கிழமை ஜப்பானின் கியூஷு தீவின் கடலோரப் பகுதியில்
சக்தி வாய்ந்த நிலநடுக்கம் ஏற்பட்டது. இந்த நிலநடுக்கம் ரிக்டர் அளவுகோலில் 6 புள்ளி 9 மற்றும் 7 புள்ளிகளாக பதிவானதை அடுத்து சுனாமி எச்சரிக்கை விடப்பட்டது.
மேலும் நாட்டில் பெரும் நிலநடுக்கம் ஏற்பட வாய்ப்பு உள்ளதாக ஜப்பான் வானிலை ஆய்வு மைய விஞ்ஞானிகள் அதிர்ச்சி தகவலை தெரிவித்துள்ளனர்.
அத்தகைய பூகம்பம் ஏற்பட்டால், 320,000 பேர் இறக்கக்கூடும், சுனாமி கடல் அலைகளை 10 மீட்டர் உயரத்திற்கு எழுப்பும், மேலும் ஒரு புள்ளி ஐந்து டிரில்லியன் டாலர்கள் சேதம் ஏற்படலாம் என்று தெரிவிக்கப்பட்டுள்ளது.
இதனால், ஜப்பான் மக்கள் அதிர்ச்சியடைந்தனர். ஜப்பானில் 2011ஆம் ஆண்டு ஏற்பட்ட நிலநடுக்கத்தில் சுமார் 20 ஆயிரம் பேர் உயிரிழந்தனர். ஆனால் தற்போதைய எச்சரிக்கையில் அதைவிட பல மடங்கு சேதம் ஏற்படும் என்று கூறப்படுகிறது.
எனவே ஜப்பானில் வசிக்கும் இந்தியர்களுக்கு தூதரகம் எச்சரிக்கை விடுத்துள்ளது. அதிகாரிகள் சொல்வதை அனைவரும் கேட்டு செயல்பட வேண்டும் என்றும் அறிவுறுத்தப்பட்டுள்ளது.
