திருவாரூரில் மக்கள் மத்தியில் முதலமைச்சர் ஸ்டாலின் – கருணாநிதி சிலை திறப்பு விழாவில் பங்கேற்பு
திருவாரூரில் நேற்று, தமிழ்நாடு முதலமைச்சர் திரு. மு.க. ஸ்டாலின் சுமார் நான்கு கிலோமீட்டர் தூரம் கால்நடையாக சென்று பொதுமக்களை நேரில் சந்தித்தார். இதையடுத்து, மறைந்த தமிழ்நாடு முதல்வரும் தந்தை பெரியாரின் வழிநடத்தலையும் தொடர்ந்து அரசியலில் பெரும் பங்களிப்பு செய்தவருமான கலைஞர் கருணாநிதியின் முழு உருவச் சிலையை திறந்து வைத்து மரியாதை செலுத்தினார்.
இரண்டு நாட்கள் பயணமாக திருவாரூருக்கு வந்த முதலமைச்சர், நேற்று பிற்பகலில் அங்கு வந்து சேர்ந்தார். காட்டூர் பகுதியில் அமைந்துள்ள “கலைஞர் கோட்டத்தில்” சிறிது நேரம் ஓய்வெடுத்த பிறகு, அங்குள்ள கருணாநிதியின் தாயார் அஞ்சுகம் அம்மையாரின் நினைவிடத்துக்கு சென்று மலர்வளையம் வைத்து அஞ்சலி செலுத்தினார்.
பின்னர், பவித்திர மாணிக்கம் பகுதியில் வந்தடைந்த முதலமைச்சர் ஸ்டாலின், அங்கிருந்து துர்க்காலயா சாலை, தெற்கு வீதி மற்றும் பனகல் சாலை வழியாக நடைப்பயணம் மேற்கொண்டு பொதுமக்களுடன் நேரில் முகாமுகம் சந்தித்தார். இந்த நடைபயணத்தின் போது, அவரது வரவேற்பாக கட்சித் தொண்டர்கள், பெண்கள், மாணவர்கள் மற்றும் மாணவியர் நெடுஞ்சாலையின் இருபுறமும் கைகுலுக்கி வாழ்த்தினர்.
அதோடு, பல பொதுமக்கள் அவரிடம் தங்கள் கோரிக்கைகளை மனு மூலமாக வழங்கினார்கள். இதன் பின்னர், திருவாரூர் ரயில்வே மேம்பாலம் அருகே அமைக்கப்பட்டுள்ள முன்னாள் முதல்வர் கருணாநிதியின் முழு உருவ சிலை திறப்பு விழாவில் கலந்து கொண்டு திறந்து வைத்தார்.
திறந்து வைத்த முதல்வர் ஸ்டாலின்.
முதல்வரின் வருகையையொட்டி, திருவாரூர் நகரம் முழுவதும் பாதுகாப்பு கருதி பெருந்தொகையான காவல்துறை அதிகாரிகள் மற்றும் படையினர் தயார் நிலையில் பணியில் ஈடுபட்டனர்.
