தமிழகத்தில் 3 நாட்களுக்கு கனமழை எச்சரிக்கை
தமிழகத்தில் இன்று (செப்.8) முதல் 10ம் தேதி வரை பல மாவட்டங்களில் கனமழை பெய்ய வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது.
காரணம்
தென்னிந்திய பகுதிகளின் மேல் வளிமண்டல மேலடுக்கு சுழற்சி நிலவுவதால், செப்.7 முதல் 10 வரை சில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும்.
மாவட்ட வாரியாக கனமழை வாய்ப்பு
- செப்.8 : தேனி, திண்டுக்கல், மதுரை, சிவகங்கை
- செப்.9 : திருவண்ணாமலை, கள்ளக்குறிச்சி, தேனி, திண்டுக்கல், மதுரை, சிவகங்கை
- செப்.10 : வேலூர், ராணிப்பேட்டை, காஞ்சிபுரம், செங்கல்பட்டு, திருவண்ணாமலை, நீலகிரி, தேனி, திண்டுக்கல், மதுரை
செப்.11 முதல் 13 வரை மாநிலத்தின் சில இடங்களில் லேசானது முதல் மிதமான மழை தொடரக்கூடும்.
சென்னை வானிலை
இன்று (செப்.8) சென்னை மற்றும் புறநகர் பகுதிகளில் வானம் ஓரளவு மேகமூட்டத்துடன் காணப்படும். நகரின் சில பகுதிகளில் லேசான மழை பெய்யலாம்.
மீனவர்களுக்கு எச்சரிக்கை
செப்.9 மற்றும் 10-ம் தேதிகளில் தென் தமிழக கடலோரம், குமரிக்கடல் மற்றும் மன்னார் வளைகுடா பகுதிகளில் மணிக்கு 40–50 கி.மீ வேகத்திலும், இடையிடையே 60 கி.மீ வேகத்திலும் சூறாவளிக் காற்று வீசக்கூடும். எனவே மீனவர்கள் கடலுக்கு செல்ல வேண்டாம் என எச்சரிக்கப்பட்டுள்ளது.
நேற்று பதிவான மழை அளவுகள்
- விழுப்புரம் (செஞ்சி) – 10 செ.மீ
- சிவகங்கை (திருப்புவனம்) – 10 செ.மீ
- விழுப்புரம் (வல்லம்), சென்னை (மணலி புதுநகர்) – தலா 9 செ.மீ
- புதுக்கோட்டை (ஆயிங்குடி), விழுப்புரம் (ஆனந்தபுரம்), பெரம்பலூர் (செட்டிகுளம்), திருச்சி (வத்தலை அணைக்கட்டு) – தலா 7 செ.மீ
