இலங்கை கடற்கொள்ளையர்கள் தாக்கியதில் நாகை மீனவர்கள் 11 பேர் காயம்
கடலில் மீன்பிடித்துக் கொண்டிருந்த நாகை மீனவர்கள் 11 பேரை இலங்கை கடற்கொள்ளையர்கள் தாக்கி, படகுகளில் இருந்த வலைகள் மற்றும் பொருட்களை கொள்ளையடித்துச் சென்றனர். நாகை நம்பியார் நகரைச் சேர்ந்த விக்னேஷ் (28), விமல் (26), சுகுமார் (31), திருமுருகன் (31), முருகன் (38), அருண் (27) ஆகியோர் ஃபைபர் படகில் நேற்று முன்தினம் இரவு கோடியக்கரை கிழக்கே மீன்பிடித்துக் கொண்டிருந்தனர்.
அப்போது, அங்கு வந்த 8 இலங்கை கடற்கொள்ளையர்கள் மீனவர்களின் படகில் ஏறி, இரும்புக் கம்பி, கட்டை, கத்தி போன்ற ஆயுதங்களால் மீனவர்களை தாக்கி, அவர்களிடம் இருந்த வெள்ளிச் செயின், இன்ஜின், செல்போன், ஜிபிஎஸ் கருவி மற்றும் வாக்கிடாக்கி ஆகியவற்றை பறித்துச் சென்றனர்.
இதேபோல், நம்பியார் நகரைச் சேர்ந்த சசிகுமார் (30), உதயசங்கர் (28), சிவசங்கர் (25), கிருபா (29), கமலேஷ் (19) ஆகிய 5 பேரையும் நேற்று முன்தினம் இரவு தாக்கி, இன்ஜின், ஜிபிஎஸ், செல்போன் மற்றும் 500 கிலோ வலை ஆகியவற்றைப் பறித்து சென்றனர்.
இரு படகுகளிலும் மொத்தமாக ரூ.4 லட்சம் மதிப்பிலான பொருட்களை இலங்கை கடற்கொள்ளையர்கள் கொள்ளையடித்துள்ளனர். இதில் காயமடைந்த 10 பேர் நாகை அரசு மருத்துவமனையில் சிகிச்சை பெற்று வருகின்றனர். பல காயமடைந்த சிவசங்கர், தஞ்சாவூர் அரசு மருத்துவக் கல்லூரி மருத்துவமனையில் அனுமதிக்கப்பட்டுள்ளார்.
இதுகுறித்து, நாகை கடலோர காவல் குழு போலீஸார் வழக்குப் பதிவு செய்து விசாரணை நடத்தி வருகின்றனர். இந்த சம்பவத்தை கண்டித்து, நாகை நம்பியார் நகர மீனவர்கள் தொடர்ச்சியான வேலைநிறுத்தப் போராட்டத்தை அறிவித்துள்ளனர். மீன்பிடி தொழிலை பாதுகாக்க மத்திய மற்றும் மாநில அரசுகள் உடனடியாக நடவடிக்கை எடுக்க வேண்டும் என்றும், பாதிக்கப்பட்ட மீனவர்களுக்கு உரிய இழப்பீடு வழங்க வேண்டும் என்றும் அவர்கள் கோரிக்கை விடுத்துள்ளனர்.
அதே நேரத்தில், ஆந்திரா மீனவர்கள் காரைக்கால் மாவட்டம் கிளிஞ்சல்மேடு மீனவ கிராமத்தைச் சேர்ந்த 24 மீனவர்கள் 2 படகுகளில் ஆந்திர மாநிலக் கடல் பகுதியில் நேற்று முன்தினம் மீன்பிடித்துக் கொண்டிருந்தனர்.
அப்போது அங்கு வந்த 50க்கும் மேற்பட்ட ஆந்திர மீனவர்கள் காரைக்கால் மீனவர்களை தாக்கி, அவர்களிடமிருந்த வாக்கிடாக்கி, வலைகள், மீன்கள் மற்றும் செல்போன்களை பறித்து சென்றனர். காயமடைந்த காரைக்கால் மீனவர்கள் நேற்று கரைக்கு திரும்பி தனியார் மருத்துவமனையில் சிகிச்சை பெற்று வருகின்றனர்
