“அதிமுக – தவெக கூட்டணியை உருவாக்கி திமுகவை வீழ்த்த பாஜக முயற்சி” – வேல்முருகன்

தமிழக வாழ்வுரிமைக் கட்சி தலைவர் வேல்முருகன், தருமபுரியில் நடைபெற்ற பொதுக்கூட்டத்தில், நடிகர் விஜய் மற்றும் அதிமுக கூட்டணியைப் பயன்படுத்தி திமுகவை வீழ்த்த பிரதமர் மோடி, அமித்ஷா முயற்சி செய்து வருகின்றதாக தெரிவித்துள்ளார்.

வேல்முருகன் கூறியதாவது:

• மதுரை மாவட்டம் சோழவந்தான் தொகுதியில் மேல்நிலை நீர்த்தேக்கத் தொட்டியில் மலம் கலக்கும் சம்பவம் அதிர்ச்சி உண்டாக்குகிறது; இதில் 14 வயது சிறுவன் ஈடுபட்டுள்ளார்.
• புதுக்கோட்டையைப் போன்ற சம்பவங்கள் மீண்டும் நிகழாமல் இருக்க வேண்டும். அம்பேத்கர், பெரியார், எம்ஜிஆர் உள்ளிட்ட தலைவர்களின் சிலைகளை சேதப்படுத்துவதும், அவமானப்படுத்துவதும் ஏற்க முடியாது. இதுபோன்ற செயல்களில் ஈடுபடுபவர்களை கைது செய்து, ஜாமீனில் வெளிவர முடியாத வகையில் சிறையில் அடைக்க வேண்டும்.

மேலும், முதல்வர் ஸ்டாலின் தமிழகத்தை சமூக நீதி அரசு எனக் கூறும் நிலையில், சாதிவாரி கணக்கெடுப்பு உடனடியாக நடைபெற வேண்டும்; மத்திய அரசு காத்திருக்கக்கூடாது எனவும், உயிர்தியாகம் செய்தவர்களின் குடும்பத்தினரை நேரில் சந்தித்து தவெக தலைவர் விஜய் ஆறுதல் கூறினால் அது வரவேற்கப்படவேண்டியது எனவும் கூறினார்.

வேல்முருகன் செய்தியாளர்களிடம் வலியுறுத்தியதாவது:

• அரசியல் மக்களுக்காக செய்யப்பட வேண்டும்; மக்களோடு இருந்து மக்களுக்காக பணி செய்ய வேண்டும்.
• மக்களுக்கான முக்கிய பிரச்சினைகளை விஜய் கையில் எடுத்து போராடினால், அவருடன் இணைந்து போராட தயாராக உள்ளோம்.
• கரூர் சம்பவத்தில் குற்றம் இழைத்தவர்கள் யாராக இருந்தாலும், கைது செய்யப்பட வேண்டும்.
• விஜய் தன் கொள்கையில் உறுதியாக நிற்பாரா, சுயநலமாக முடிவெடுப்பாரா என்பதைக் கவனிக்க வேண்டும்.

இந்த நிகழ்ச்சியில் கட்சியின் மாநில துணைப் பொது செயலாளர் தவமணி, நிர்வாகிகள் மற்றும் பலர் உடனிருந்தனர்.