கரூர் மாவட்ட எஸ்.பி.யை சஸ்பெண்ட் செய்ய வேண்டும்: ஹெச்.ராஜா வலியுறுத்தல்
கரூர் சம்பவத்தில் உரிய நடவடிக்கை எடுக்காத மாவட்ட காவல் கண்காணிப்பாளரை சஸ்பெண்ட் செய்ய வேண்டும் என்று பாஜக மூத்த தலைவர் ஹெச்.ராஜா வலியுறுத்தியுள்ளார்.
கும்பகோணம் அருகேயுள்ள சுவாமிமலைவில் செய்தியாளர்களிடம் அவர் தெரிவித்ததாவது: விஸ்வ இந்திய பரிஷத் நடத்தும் முருக பக்தர்கள் மாநாட்டில், வரும் 25, 26, 27-ம் தேதிகளில் ஒரே நேரத்தில் பல லட்சம் பேர் கந்த சஷ்டி கவசம் படிக்கும் நிகழ்ச்சி நடைபெறும்.
கரூர் சம்பவம் தொடர்பில், கள்ளக்குறிச்சியில் கள்ளச்சாராயம் குடித்து 60 பேர் உயிரிழந்த போது முதல்வர் ஸ்டாலின் நேரில் சென்று பாதிக்கப்பட்டவர்களை சந்தித்தார். இதற்கு அரசியல்தான் காரணம் என்று அவர் குறிப்பிட்டார். கரூர் மாவட்ட எஸ்.பி. திமுககாரர்போல் செயல்படுகிறார்; சம்பவத்தில் உரிய நடவடிக்கை எடுக்காததால் உடனே சஸ்பெண்ட் செய்யப்பட வேண்டும்.
அதேபோல், கரூர் மாவட்ட ஆட்சியர் மீதும் நடவடிக்கை எடுக்கப்பட வேண்டும். அரசு கடமை தவறியதால் 41 பேர் உயிரிழந்தனர். நிர்வாகத் தோல்வியை திருத்த, தமிழக முதல்வர் கரூர் சென்று பாதிக்கப்பட்டவர்களைப் பார்த்தார். விபத்து நடந்த நாளே விஜய் கரூரிலேயே தங்கி இருந்தால், முதல்வர் அங்கு செல்ல துணிச்சல் கிடையாது என அவர் கூறினார்.
